Ek het nadat ons terug gekom het van Egipte af, baie gesê dat ek spyt is dat ek nie so ’n ondervinding twintig jaar gelede al kon ervaar het nie. Hoekom? Omdat dit my op baie maniere so verryk het:

Mens weet van die Moslems, maar voor mens nie self gesien het wat die lewenswyse en godsdiens van die Moslem is nie, het mens eintlik nie ’n idee wat in miljoene mense se lewens aan die gebeur is nie. Ons het met ons Egipte besoek nie die “normale” Egipte toer-ervaring gehad nie, wat ’n baie groot voordeel was – ons kon op grondsoolvlak sien en beleef hoe die gewone Egiptenaar leef.

Mens lees altyd in die Bybel van Egipte, maar om self daar te kon wees, maak vir mens nuwe horisonne oop ook wat betref mens se eie verstaan van die Ou Testament en prediking

Ek het ’n totaal nuwe perspektief gekry oor sendingwerk en by name die werk in die Midde-Ooste en die werk in die Tien- Veertig Venster. ’n Predikant wat nog nie so ’n belewenis gehad het nie, kan nie werklik die belangrikheid van die werk oordra nie.

Dit was ’n belewenis om twee weke saam met mede-predikante te kon leef, eet slaap, gesels, swaarkry, lag en bid. Ons het sulke uiteenlopende geaardhede maar in Jesus het hierdie toer ons op ’n baie spesiale manier aan mekaar gebind.

Daar was verskeie hoogtepunte vir my:

* Die belangrikste was die ontmoetings met die Christene – hulle geloof in ’n land waar hulle ver in die minderheid is en aan vervolging blootgestel is.

* Die blootstelling aan die Koptiese kerk was vir my ’n besondere ervaring. Dis ’n kerk waarvan ek niks geweet het nie en sulke pragtige Christene het met so ’n positiewe getuienis.

* Die armoede in Egipte was vir my ’n openbaring. Ek het net weer besef hoe gelukkig ons is om in Suid Afrika te mag woon en werk. Die besoek aan die sg “ashoopstad” in Kaïro was iets wat in my gedagtes in gegraveer sal bly.

* Ek het self ’n wonderwerk op die toer beleef, wat my net weer laat besef het hoe ’n lewende God ek aanbid.

* Die besoeke aan instansies wat op verskillende plekke besig is met die uitdra van die Evangelie was vir my aangrypend. In besonder die besoek aan die Christen TV stasie SAT-7 was baie spesiaal.

* Ek wil die ring bedank vir die voorreg om te kon gaan. Baie dankie aan Carl Crouse wat die inisiatief geneem het en bo alles dankie aan ons Heer wat hierdie onvergeetlike ervaring moontlik gemaak het

Die Angus-fenomeen: eerder gesoek na heiliges dan na professionele-godsdienstiges?

Daar is geen twyfel dat Angus Buchan ‘n belangrike boodskap uitdra nie. Die groot negatiwiteit van mense oor die land (wat gebore word uit ‘n skeefgetrekte meesterverhaal waaruit mense leef, wat nie die evangelie is nie), gesinsverval, die aksent op persoonlike verryking ten alle koste, selfregverdiging - noem maar op - verteenwoordig belangrike kwessies wat Angus aanspreek. Hy doen dit op ‘n eenvoudige, direkte manier en mense verstaan hom.

Angus is baie duidelik ‘n dissipel van die Here, die Here gebruik hom, en hy raak mense se lewens aan. Sy boodskap moet soos strelende musiek op die ore van mense wees wat deur vreemde, komplekse teologiese debatte verwar voel. Hy help om oorweldigende kompleksiteit tot eenvoudige geloofsriglyne te verwerk, en ons kan hom daarvoor bedank. Ons kan baie leer oor die bediening aan mense deur na Angus se bediening te kyk.

‘n Hele groep leraars uit die Ring van PE-Wes het onlangs Egipte besoek en op voetsoolvlak kennis gemaak met Egiptiese Christene. Dit was ‘n ringsprojek. Hulle was diep aangeraak deur die kontak. Een van hulle, Michiel Cruywagen, geen sy indrukke oor die besoek:

Maar wat van mense wat in soveel kompleksiteit lewe dat sekerheid nie meer so vanselfsprekend is nie?

Dalk is dit hulle wat weer ‘n keer helderheid via Angus soek?

Die Turkse Vennootskap van SA, wat gemeente help om sinvol betrokke te raak by werk in Turkye, hou sy jaarlikse Beraad vanjaar van 29-31 Augustus in Port Elizabeth (PE-Hoogland Gemeente).

‘n Inheemse kerkleier tree tydens die beraad op.

Meer besonderhede volg later.

Klik hier vir meer besonderhede (488kb).

Messianic Revival in Israel

Anita Strydom stuur hierdie beriggie wat mens ‘n interessante blik bied op gebeure in Israel, en dit ook op ‘n bepaalde wyse interpreteer:

Content

INFORMATION and REGISTRATION:

Leierskapkonferensie: Geleentheid om die grense na mekaar oor te steek (4-5 Augustus 2008)

Die Oos-Kaapse leierskap van die NG Kerk en VG Kerk bied op 4 en 5 Augustus ‘n avontuurlike leierskapskonferensie aan. Die bedoeling is om géén besluite te neem of enige beleid te formuleer nie. Die missie is vir leraars en gemeenteleiers om mekaar te leer ken oor alle denkbare grense heen.

Daar is baie dinge wat ons nooit sê of hanteer nie. Bloot omdat ons te ordentlik is. Daar is dinge wat ons nooit van mekaar te wete kom nie - omdat ons nie bewustelik daaraan aandag gee nie. Daar is punte wat ons grensloos irriteer, en ons sien dit nooit vanuit die ander se perspektief nie.

Nou gaan ons vir ‘n slag daaraan aandag gee.

Die twee kerke vra dr Ryk van Velden, 16 jaar lank sendeling in Malawi, en voormalige jeug-bedienaar van formaat, om die leierskapskonferensie te kom lei. Hy gaan ons help om saam pret te hê, te speel en saam te gesels op ‘n manier wat ons mens-wees oor grense heen vir mekaar ontsluit.

Jy kan deel wees van hierdie ervaring.

Die volledige besonderhede bereik gemeentes waarskynlik vandag nog, met ‘n inskrywingsvorm. Ander belangstellendes kan die besonderhede op die web lees (www.ngkok.co.za - kyk onder “Kennisgewings”)

Onderwerp: Reconstructing Pastoral Ministry: Christ’s Ministry, the Ministry of the Congregation and our Pastoral Ministry

Prof Purves preek op Sondag, 3 Augustus, om 09:00 by die NG Kerk Swartkopsrivier in Blouwaterbaai, PE, en sy vrou - ook ‘n predikant - die aand van 3 Augustus, om 18:30, by die NG Kerk PE-Hoogland.

Ons stuur die inskrywingsvorms binne enkele dae. Dit sal binnekort onder die opskrif “Kennisgewings” by www.ngkok.co.za verskyn.

My only visit to university health services